Shillong, ïaïong:
Ka National Stock Exchange jong ka India (NSE) ka sngewbha ban pynbna ba la pyndep ïa ka jingïalang plie ïa ka lympung ba la thaw kyrpang da ka jingphai khmat sha ki bynta bapher bapher kiba ïadei bad ki karkhana jong ka India. Ïa kane ka lympung jingïalang la pynlong ha Mumbai ha ka 3 tarik, Ïaïong, 2024, bad New Delhi ha ka 5 tarik, Ïaïong 2024 ha ki jaka bapher bapher.
Ka International Finance Corporation (IFC) bad Climate Bond Initiative (CBI) ki la ïasnohkti lang ban pynlong ïa kane ka lympung jingïalang ba la ai kyrteng ‘Deep Dive in Green, Social, and Sustainability (GSS) Bonds Issuance Process’, ïa kaba la ai jingkyrshan pisa da ka HSBC bad ka The Kingdom of the Netherlands.
Ka jingthmu jong kane ka prokram ka long ban wanrah ïa ka jingpynduna ïa ka jingjngai ha ka liang ka rukom bei tyngka ha kaba ïadei bad ka jinglong jingman ka suiñbneng ha India da kaba wanrah ïa ki jingtip bad kyntiew ruh ïa ka jingïaphylliew jingmut ha kaba ïadei bad ka GSS. Kane ka jingïalang ka wanrah ïa ka rynsan na ka bynta kito kiba ïadon bynta ha ka kam ba kin don ka jingïakren bad wad ïa ki lad ki lynti kiba ïadei bad ki rukom bei tyngka ban kyntiew ïa ka roi ka par ha ka rukom kaba ïaineh.
Ki nongïashim bynta na ki shnat kiba ïadei bad ka bei tyngka, ki bynta treikam bapher bapher bad kiwei kiwei ki karkhana ki la ïashim bynta ha ka jingïatai kaba ïadei bad ka jingbei tyngka bad ka jingïaineh, ha kaba ki jingïakren ki la long ha ka phang kaba kynthup ïa ka jingsiew pisa ne ka Labelled Bond Universe, ka rukom ba treikam ha shwa ban siew pisa bad hadien ba siew pisa ne ka Pre- and Post-Issuance Processes, bad ka jingai ïa ka GSS bond katkum ka ri.
U Ashishkumar Chauhan, MD & CEO, NSE, u la ong, “Ha kane ka por, katba ngi dang don ha ka jingïapyrshang ba tyngeh ban wanrah ïa ka jingïaineh ha ka liang ka bei tyngka, ka lympung jingïakren halor ka GSS Bonds ka long kum kawei na ki sienjam ban kham kyntiew ïa ka rukom bei tyngka ha kaba ïadei bad ka jinglong jingman ka suiñbneng ha India.”
