Itanagar, Ïaïong:
Ki la don kumba 23 ngut ki kyrtong kiba la dei ban ïakhun ha ka ilekshon Assembly ha ka 19 tarik, Ïaïong ha Arunachal Pradesh, kiba la don ïa ki mukotduma halor ki kam beaiñ kiba long pyrshah ïa ki, la ïathuh ka tyllong khubor. Ka kaiphot ba la pynkhreh da ka Association for Democratic Reforms (ADR) bad ka Arunachal Pradesh Election Watch, ïa kaba la pyllait ha ka sngi Balang, ka la pynpaw ba na ki 23 ngut ki kyrtong kiba don ïa ki mukotduma pyrshah ïa ki ha ka jylla, 20 ngut ki dei kiba la shah pynshisha ba ki la leh ïa ki kam beaiñ kiba kham shyrkhei, kane ka la paw ha ka por ba ki la phah ïa ki jingpynshisha.
Kane ka kaiphot ka la long hadien ba la dep ban khmih bniah ïa ki jingpynshisha ba la phah da ki 142 ngut ki kyrtong na ki 143 ngut kiba dei ban ïakhun ïa ka ilekshon Assembly.
