Tel Aviv, Iaïong:
Ka tnat iada jong ka Israel ha ka Sngi Palei ka la pyntip ba uwei heh nongbei tyngka jong ka Hamas- u Nasser Yakob Jabber Nasser u la kyllon iap ha ka jingther bom ki shipai ka Israel ha ka sngi ba la leit.
U Nasser u dei uba don kti ha ka jingphah ia ka pisa kaba bun sha katei ka kynhun lehnoh Hamas ha Rafah. Katkum ki jingtip ba la ioh lum, la ong ba u Nasser u la phah palat da ki spah hajar dollar sha ki Hamas tang hapoh jong u bnai Nohprah mynshem snem (2023).
Haba iadei bad kane, la ong ruh ba ha ki khyndiat sngi ba la leit, ki shipai ka Israel ki la leit ban thombor sha ki bynta Shatei jong ka Gaza hapoh ka thaiñ Shejaya ha kaba katto-katne ki lehnoh ki la kyllon iap hapdeng ka jingkhyllem bad julor jong ka shlem ai jinghikai ki lehnoh Hamas ia ki dkhot jongka ha katei ka jaka.
