Shillong, Ïaïong 12
Ka tnad pule Political Science jong ka Shillong College ha ryngkat ka jingïasnohktilang bad ka Systematic Voters Education and Electoral Participation (SVEEP) bad ka shlem treikam Deputy Commissioner (Election) East Khasi Hills District ha ka Sngi Thohdieng ka la pynlong ïa ka ‘Open Mic Voters Awareness Program’ ha Shillong College.
U samla Eddy Ripnar, dkhot jong ka Meghalaya Model United Nation u la ïasam ïa ki jingtip shaphang ki ‘app’ kiba ka Election Commission of India (ECI) ka la pyllait dang shen – Know Your Candidate (KYC) App, kaba ïarap ban lum jingtip halor uno-uno u kyrtong bad kan ïarap ruh ha ka ban ïohi ïa ka jinglong bad ki kam be-aiñ (lada don) jong ki kyrtong, kaba long kaba donkam eh na bynta ki nongthep ‘vote’ haba jied ïa ki kyrtong.
Sa kawei ka ‘App’, ‘cVIGIL’ ka dei ka ‘Mobile Application’ bathymmai na bynta ki nongshong shnong ban pyntip ïoh don ka jingleh thok, ka jingsam pisa ha ka por ilekshon nalor kiwei-kiwei, u la ong.
U la ong ruh ba lyngba kane ka ‘app’, ki briew ki lah ban ujor sha u Chief Electoral Officer (CEO) bad un leh mardor ïa kaba donkam na ki jingtip ba la ïoh lum lyngba ka ‘app’ bad yn ym pynpaw satia ïa ka kyrteng jong ki nongujor.
