Shillong, Ïaïong 12
Ka Red Mark F.C ka la sdang ïa ka lympung ïalehkai phutbol ba la tip kum ka Mawlai Cup 2024 ha ka Sngi Thohdieng ha Madan Heh Stadium kaba ha Mawlai Phudmuri ha kaba la ïadon lang ki nongkitkam jong ka klob kynthup ïa u President Bah A.Biam.
Haba phai sha ka jingïalehkai ha kane ka sngi sdang, ka Mapung FC na Umjaïur ka la ïoh jingjop hadien ba ka la lah ban pynliem noh ïa ka Toperdo Mawiong da 2-0 kol. Ïa kine ar tylli ki kol la thep da u Shanborlang Lyngdoh.
Ka jingpynlong ïa kane ka lympung ka long ban plie lad ïa ki nongshong shnong na Mawlai ba kin pyni ïa ki sap ïalehkai bad ruh ban wanrah ka jingïa ithuh ithaw bad ka jingïajan hapdeng jong ki.
