Washington, Iaïong:
Wat hapdeng ki kynrum-kynram bad ki jingiathut bad ka Israel hynrei la ong ba u heh nongialam ka tnat shipai ka US u la leit ban jngoh sha Middle East na ka bynta ban peit thuh ia ka jinglong-jingman ha katei ka thaiñ. Kane ka wan ruh hadien ba ka Israel ka la ioh ia ka jingmaham na ka Iran haba iadei bad ka jingshah thombor ki heh ka tnat ba dei khmih jong ki nong Iran hapoh Syria ha kine ki taiew ba la leit.
Haba iadei bad kane, la ong ba ka United States kaba ju ai jingkyrshan ratbah ia ka Israel ruh hynrei ha kane ka sien ka US ka la pyrshah ia katei ka jingleit thombor jong ka Israel ia katei ka tnat treikam jong ka Iran kaba don hapoh Syria.
