Shillong, Ïaïong 12
Ka Shillong Lajong FC kan pynkhreh ïa ka jingïalehkai kaba khatduh shabar na la ïing ha ka lympung ïalehkai I-League pyrshah ïa ka Sreenidi Deccan FC ha ka Sngi Saitjaiñ ha ka por 4:30 janmiet ha Deccan Arena, Hyderabad.
Kane ka kynhun ïalehkai na nongbah ka la hiar mynta shaduh ka kyrdan ba phra. Ka la shah rem ha ka jingïalehkai ba la dep ha la ïing da 2-1 kol ha ka Mohammedan SC, kaba la rah artad ïa ka nam lahduh ha kane ka lympung.
Kumta ka Lajong hapoh ka jingïalam u Bah Bobby L. Nongbet ka la ïoh 31 point hadien ba ka la jop 8sien, ïakhaid 7 sien bad shah rem 8 sien na ki 23 sien ïakhun. Ka Sreenidi Deccan kaba la don ha ka kyrdan ba-ar ryngkat bad 45 point na ki 23 sien ïakhun hadien ba ka la jop 13 sien, ïakhaid 6 sien bad shah rem 4 sien.
