Gantok, ïaïong:
U President jong ka Bharatiya Janata Party (BJP) ha ka ri u JP Nadda u la pyllait ïa ka mat treikam na ka bynta ka ilekshon Assembly ka Sikkim ha Gangtok ha ka Sngi Palei.
Ïa kane ka mat treikam la tip kyrteng kum ka ‘Modi Ki Guarantee – Viksit Bharat Viksit Sikkim’. Kum shi bynta ban kynthoh jur pyrshah ïa ka seng Congress, u Nadda u la ong, “Ki sorkar kiba hashwa ki la iehshrah bad iehbeiñ. Ki la kwah ban ieh shra ïa ki paidbah, ki la kyntait ban leh bha ïa ki bad pynbun tang ka jingïoh jingmyntoi na ka bynta ka vote ha ki kam saiñ pyrthei. Kane ka dei ka rukom leh ba ka seng Congress ka ju leh bad kiwei ruh ki seng kumjuh.” Kane ka jingleh jong kine ki seng ka la pynsahdien ïa ka jylla kumba la sakhi ha kiba bun ki liang khamtam ha kaba ïadei bad ka lawei jong ki samla.
“Ha ryngkat ka jingïatreilang bad ka sorkar kmie, ngin sa lah ban wanrah, ïa ka Indian Institute of Management jong ka World Class hangne ha Sikkim. Ngin sa lah ban pynmih ïa ka National Institute of Design na ka bynta ban kyntiew ïa ki samla bad ban wanrah ïa ki Vocational Training ha Sikkim. Ha kajuh ka rukom kum shi bynta ban lah ban ai jingkyrshan ïa ki samla bad ban ai jingkyrshan ha ka liang ki kam jngohkai pyrthei, ngin sa buh ïa ka Hotel Management,” u la kular sha ki nongthep vote ha Sikkim.
