Shillong, Ïaïong 12
Ka lympung ïalehkai 4th State Level Muay Thai Championship & Pro Fight 2024 ba la pynïaid da ka Muaythai Association of Meghalaya ka la sdang ha kane ka nongbah da ka jingwan ïashim bynta shitrhem kumba 220 ngut ki khynnah kynthei bad shynrang kiba na wan na ki district bapher bapher jong ka Jylla.
Ïa kane ka lympung ïalehkai kaba ar sngi la pynlong ha Indoor Training Hall jong ka SAI STC, Shillong ha kaba la phiah ha la ki jong ki kyrdan ïalehkai kata ka Sub-Junior, Junior, Under-23 bad Elite.
Ha kane ka sngi la ïadon lang u Asst. Boxing Coach jong ka SAI u B. Rahul Raju kum u kongsan, kumjuh u T. Misao, Deputy Commandant ka 67BN CRPF bad ka Boinu Misao, u Sandy Sohtun, President bad ki executive member ka seng KSU, NEHU u Risan Shylla, ka Ibakordor Marweiñ, ka Theodorisa Pyrtuh, u Ram Toi, u President katei ka synjuk u Bah Anjelus Sun bad kiwei. Na ka liang ka synjuk ka la pynbna ba kan pynlong ruh ïa ka Pro Fight ha ka janmiet jong ka Sngi Saitjaiñ. Ki nongjop ha kane ka lympung kin shah jied ban mihkhmat ïa ka Jylla sha ka National Championship ka ban long ha ka Lakshimibai ka ban long ha ka Lakshimibai National Institute of Physical Education kaba ha Assam.
