New Delhi, Iaïong:
Katkum ki jingtip ba la ioh lum da ki tnat wad bniah bad ki tnat syntiat ka US bad kiwei ki ri, la ioh jingtip ba ka Iran khlem da pynslem shuh kan sa leit ban hiar thma ia ka Israel namar ka jingiakynad hapdeng ka Israel bad Iran haba iadei bad ka jingleit thombor jong ka Israel ia ka tnat ‘Embassy’ jong ka Iran kaba don hapoh Syria ha kine ki taiew ba la leit.
Kumta u President ka United States- u Joe Biden u la maham tyngeh ia ka Israel ba ka dei ban long ba la khreh ia kino-kino ki jingjia thombor kiba ka Iran ka lah ban wanrah ha kum kane ka por ba ka la dep pynbna lypa ba shen kan pynhiar kput ia katei ka jingleit thombor jong ka Israel ha Syria.
Nangta, u la ong ba ka Israel ka lah ban shah thombor ha ka Iran ha kano-kano ka por lyngba ki ‘drone’ bad ki ‘namding ha kajuh ka por kumba ka Russia ka ju leh ia ka Ukraine. Namarkata, u Biden u la maham ba ka Israel kam dei ban bamja khluit hynrei ka dei ban long ba la pynkhreh ban mad ia kitei ki jingeh bad kloi ban tehlakam.
