Shillong, Ïaïong 14
Ka Federation of Khasi Jaiñtia & Garo People (FKJGP) Nartiang Area Unit ha ka sngi Thoh-dieng ka taïew ba la dep, ka la ïoh ban pynhap pyrda noh ïa ka lympung ïalehkai 2nd U Mar Phalangki Knockout Football Tournament 2024 kaba la pynlong naduh u bnai Kyllalyngkot ha shnong Nartiang.
Haba phai sha ka jing-ïalehkai final ha kane ka sngi, ka Nongkhroh Sports Club ka la pynliem ïa ka Friendship United FC da 2-0 kol bad ban rah ïa ka nam lahduh ryngkat ka song pisa 2 lak tyngka bad ka kynhun ba wan ba ar ka la ïoh 1 lak tyngka ryngkat ka trophy.
La sam ruh ïa ki khusnam shimet, kata ka nam Best Goalkeeper bad Best Player ba la ïoh da ki ‘rang ïalehkai ka Nongkhroh Sports Club.
Kum ka dak ka jing-sngewnguh, ka FKJGP ka la ai ki jingai sngewbha da ki memento sha ki referee kiba la trei shitom ban pynïaid beit ïa ka lympung naduh ba sdang haduh ba kut bad kumjuh ïa u Bah Mom Phalangki, Waheh Shnong Nartiang uba la ïatreilang bad ka seng na ka bynta ka jingbha.
Ha shwa ka jingïaleh-kai, la ïoh ban pynlong ïa ka jingïalang da kaba plie ruh ïa ka ïing rynsan pynlong jingïalang (Mini Gallery) da u kongsan kaba la pynshna sngewbha da ka FKJGP Nartiang Area Unit na ka bynta ka shnong Nartiang.
Ha kane ka sngi la ïadon lang u President ka FKJGP Sengkmie Dundee Cliff Khongsit kum u Kongsan, ryngkat lang u Eldie N Lyngdoh, Gene-ral Secretary, Elton Warjri Senior Vice President, Kitboklang Nongphlang Vice President uba peit ïa ka jylli treikam ka seng hapoh Jaintia Hills baroh kawei, u Khrawkupar Nongsiej, Organising Secre -tary lem ki nongïalam ka FKJGP West Jaintia Hills bad East Jaintia Hills bad la wan sakhi ruh da u Waheh Shnong Moodop u Damon Dkhar bad kumjuh ruh ki nongkitkam Shnong ka Shnong Nartiang.
