Thiruvananthapuram:
Na ka jingwad bniah, ki pulit ka Kerala ki la ïathuh ki la don kumba 795 tylli ki jingjia kiba ïadei bad ka jingleh thok ha kaba ïadei bad ki Visa. Kum ka nuksa la ong ba kawei ka briew ha kaba ïa ka kyrteng jong ka la buhrieh bad la buh da ka kyrteng Angel haba ka la ïoh ïa ka kam ha UK lyngba ki nongïarap jong ka, ka sngewthuh ba ki la ïoh ïa ka lad ban im ka jingim kaba bha.
Ban siew kylliang halor kane, ka la hap ban siew T. 12 lak sha u nongïarap uba ha Kochi. Hadien ba la poi ha UK, ha kaba ïadei bad kane, ka Angel ka la sngewthuh ba ka la shah thok.
Ka jingsiew ba ka ïoh na ki nongaikam ka duna ban ïa kaba la kular u nongïarap.
Ha kaba ïadei bad kane, namar ka jingkyrduh pisa, ka Angel kam banse ban bteng ban sah beaiñ ha katei ka ri.
Ka Angel ka la long kawei na kiba la shah thungkam da ka jingïarap jong ki nongïarap ban pynïoh kam.
Ki pulit jong ka jylla ki la ïoh ban buh jingujor ïa kumba 795 tylli ki jingjia kiba ïadei bad ka jingleh thok ïa ki Visa ha u snem 2023, ha kaba ka Ernakulam distrik ka la wan hakhmat eh.
Katkum ki jingbuh jingthoh, la sakhi ba kiba bun na ki jingleh thok lyngba ki Visa ki la long na Ernakulam distrik.
Ki la don kumba 165 tylli ki jingmudui ba la buh ha ka distrik. Kumba la ïathuh ka tyllong khubor kaba la wan na ki pulit la ong ba kiba bun na kine ki kynhun ba ju pynrung kam ki ju treikam na Ernakulam bad katto katne napdeng jong ki ki ju leh ïa kine ki jait kam naba rieh.
“Ngi la ïohpdiang ïa shibun ki jingmudui pyrshah ïa kine ki kynhun ba ju leh ïa kine ki kam ha Ernakulam. Kiba bun na ki ki dei kiba ju leh ha ka ban pynrung kam ïa ki nongwad kam,” la ïathuh ka tyllong khubor.
Hadien ka Ernakulam, kaba bud ka dei sa ka Thiruvananthapuram ha kaba hangne ruh ki la don shibun ki jingjia kiba kum kine. Kumba la ïohlum jingkheiñ la ong ba ki la don kumba 92 tylli ki jingjia ïa kiba la ïoh jingmudui ha kane ka nongbah ha u snem ba la lah. Ki la don kumba 190 tylli ki jingjia ïa kiba la buh jingthoh ha une u snem haduh u bnai Lber halor ka jingleh thok ïa ki Visa.
