Gaza, Iaïong:
Haba iadei bad ka khubor halor ka jingshah pyniap jong 3 ngut ki khun jong u nongialam ba hakhlieh ka lehnoh Hamas, ki heh ka Israel ha kane ka por ki la pynshai ba wat u Myntri Rangbahduh jong ka ri- u Benjamin Netanyahu bad u Myntri ka tnat iada ri ruh kim shym la don jingtip eiei shaphang ka jingleit kput jong ki shipai ka Israel ia ki bahaiing jong utei u nongialam ba hakhlieh ka Hamas.
Hynrei la ong ba ia kitei 3 ngut ki khun jong utei u nongialam ka Hamas, ki shipai ki la thombor bad ñiew ia ki kum ki lehnoh ym kum ki khun jong utei khliehduh ka Hamas. Nangta kim don jingtip ruh ba kitei 3 ngut kiba shong ha katei ka kali ba ki shipai Israel ki ther bom, kin dei ki khun jong utei u nongialam ka Hamas.
