Amalarem, Ïaïong:
Ka shlem treikam jong u Sub-Divisional Officer (Election), Amlarem Sub-Division, Amlarem kum shi bynta ban leh ïa ka Systematic Voter’s Education & Electoral Participation (SVEEP) prokram, ha ka 12 tarik Ïaïong ka la pynlong ïa ka ‘Vote for Democracy’ Expo 2024, ha Thangbuli Community Hall naduh ka por 10 baje mynstep.
Ka la don ruh ka ‘Craft Fair’, ka ‘Singing Competition’, ka ‘General Quiz’, ka ‘Karaoke Open to all’ bad ka ‘live performance’ na ki District Icon “Chi-ïung”.
Ïa ka jingïalang la pynïaid da u Bah Gameliel L.C. Mylliem, Astt. Commissioner, Amlarem Civil Sub-Division, Amlarem bad u la ai ka jingkren pdiang sngewbha ïa baroh kiba ïadonlang ha katei ka sngi.
Ïa ka jingkren lyngkot shaphang ka Apps (ECI) la batai da ka F.M. War, ASE bad na u Village Icon ha ka jingdonlang u kongsan Dr. Abhishek Saini, IAS, Sub-Divisional Officer, Amlarem Civil Sub-Division, Amlarem.
Hadien ka jingkren u kongsan la pynïaid ïa ka programme da u R.E. Laloo, ha kaba la ïa shim bynta da ki nongshong shnong ha ki prokram bapher-bapher kum ka jingïakob rwai, jingïakob kyntip bad kiwei-kiwei. Ha kaba la ai khusnam ïa ki nongjop.
Ha ka jingïakob rwai la wan nyngkong da u Sardis Dkhar, ba-ar u Daman Chynman Suting bad ba lai, u Garry Ackerman Khonglah.
Ha ka ‘Skill Exhibition’ la wan nyngkong da u Teibor Pohsngap na ka shnong Padu, ba-ar u Kelvin Suting na ka shnong Moosakhia, bad ba wan ba lai, Bran Lyngdoh na ka shnong Madantyrpait.
Ha kaba kut jong ka prokram, ka District Icon “Chi-Ïung” ka la pyni ïa ka jingïalehkai ha ka jingïadei bad ka ‘Ethical Voting’.
