United Nations, Iaïong:
U Secretary General jong ka United Nations- u Antonio Guterres haba ai jingkren hapoh ka jingialang bad kiwei pat ki heh ha ka Sngi U Blei, u la pynpaw ka jingsngewkhia kaba jur halor ka jingbym lah shuh ban tehlakam ia ki jingiakynad jong kiba bun ki ri ha kine ki sngi. Kumta u la ong ba ka pyrthei baroh kawei ka dei ban sngewthuh ba dei ban pynsangeh noh ia baroh ki jingiakynad bad ki thma khamtam ha Middle East na kawei ka ri sha kawei pat.
Namar u la ong ba ka UN kam lah shuh ban peit ne ban tehlakam tang sha kano-kano ka liang namar kat sha ba phai, la dap tang da ki jingiakynad bad ki thma para ri.
Hynrei napdeng kiwei pat ki ri, u la ong ba ka Middle East ka long kawei na ki bynta jong ka pyrthei kaba ap jingma bha ha kane ka por. Naba ym don shuh ka shongsuk-shongsaiñ ha Middle East naduh ba mih ka thma hapdeng ka Russia bad ka Ukraine. Bad kat nang mih ki sngi, ki la nang mih ki jingiakynad bad ki la nang thaw pyrthei sa da kiwei pat ki jingeh.
Namar u la ong ba ki ri kiba don sha ka thaiñ Middle East ki la ialeh ban ai ding bad pynmih ia ki jingiakynad kiba pher baroh shi katta, mynta ka la dei ka por ia ki ba kin sangeh noh shi syndon bad ba kin theh um noh ia kitei ki jing-iakynad baroh.
Hynrei u la ong ba kaba eh ka long ba kam don shuh ka jingiapyndem na baroh ki liang namar baroh ki ri ki sngew dei bad sngew skhem ha la ki jong ki nongrim bad kim kwah ban ialeh ban pynkut noh ia ka thma.
