Kokopo, Iaïong:
U jumai ba 6.5 Magnitude u la pynkhynñiuh ia ka thaiñ Shatei jong ka Papua New Guinea ha ka step Lah Sngi U Blei wat la katei ka ri kam shym la sakhi ne iohi ia ki dak ki shin shwa ban wan utei u jumai lyngba ki ‘eriong ne jingatphyllung ki duriaw kumba ju long man ka por shwa ban wan u jumai.
Ka thaiñ kaba la sakhi bha ia utei u jumai ka long sha ka phang kumba 110 Kilometre na East-Southeast jong ka Kimbe ha ka dew lynnong jong ka New Britain. La ong ba ka jingkhlaiñ jong utei u jumai ka long kumba 65 kilometre ka jingjylliew.
Ka tnat Pacific Tsunami Warning Centre ha katei ka sngi ka la iathuh ba wat katei ka tnat ruh kam shym la ioh jingtip eiei shaphang ki dak ki shin jong ka jingwan jong utei u jumai ha katei ka step.
