Nongstoiñ, Ïaïong:
Katkum ka jingbthah na ka Election Commission jong ka Ri India, ka shlem treikam u District Election Officer (DEO), West Khasi Hills District ka sngewkmen ban pyntip sha baroh ki nongthep ‘vote’, nongjied nongmihkhmat shaphang ki katto-katne ki jingtip kiba ïadei bad ka jingthep ‘vote’ ka ban long ha ka 19 tarik Ïaïong 2024.
Ha ka kyrwoh khubor, u DEO u la ong ba baroh ki nongthep vote/ki nongjied nongmihkhmat ha baroh ki konstitwensi jong ka Meghalaya, ki dei beit ban wanrah bad pyni ïa ki Elector Photo Identity Card (EPIC) ha ki jaka thep ‘vote’ na ka bynta ban shisha ïalade shuwa ba kin thep ‘vote’.
U la ong ruh na bynta kito ki bym lah ban pyni ne wanrah ïa ki EPIC, ki dei ban wanrah ïa kine ki kot ban pynithuh ïalade kum ka Aadhaar Card, MGNREGA Job Card, Passbooks kaba don ïa ki dur na ki Bank/Post Office, Health Insurance Smart Card kaba hap hapoh ka skhim jong ka Ministry of Labour, Driving License, PAN Card, Smart Card kaba pynmih da ka RGI hapoh ka NPR, Indian Passport, ki kot Pension ryngkat ki dur, Service Identity Card ryngkat ki dur kaba la ai sha ki nongtrei, la kadei na ka Sorkar Pdeng/ Sorkar Jylla/ PSUs/ Public Limited Companies, Official Identity Cards kaba la pynmih na ka bynta ki MP/MLA/MDC bad ka Unique Disability ID (UDID) Card jong ka Ministry of Social Justice & Empowerment, ka Sorkar India
U DEO u la ong ruh ba lada don ki khep ba ki don ki jingbym beit ne bakla kyrteng ha ka EPIC, lane ki dur kim ïahap bad kiwei-kiwei pat ki jingbymbiang ha ka EPIC, hap ban pynshisha na kitei kiwei pat ki kot pynshisha kiba la kdew haneng khnang ba ki nongthep ‘vote’ kin ïoh ïa ka hok ban thep ‘vote’. Lada ki nongthep ‘vote’, ki wanrah da ka EPIC kaba la pynmih da ki Electoral Registration Officer jong kiwei pat ki Assembly Constituency, lah beit ban pdiang ïa kum kita lada ka kyrteng ka don hapoh ka ‘electoral roll’ jong kata ka ‘polling station’ kaba ki nongthep ‘vote’ ki wan ban thep ‘vote’.
Na ka bynta ki nongthep ‘vote’ kiba sah sha bar ri, ki dei ban pyni da ki Original Indian Passport khnang ban ïoh pynshisha.
Ban pynsuk ïa ki nongthep ‘vote’ ba kin tip ïa ki serial number, ki polling station, tarik thep ‘vote’, ka por bad kiwei kiwei, ka shlem treikam u DEO kan sa sam ïa ki ‘Voter Information Slip’ sha baroh ki nongthep ‘vote’ kiba la pynrung kyrteng ïalade ha ka thup jong ka electoral roll, la kumno-kumno 5 sngi shuwa ban dei ka sngi thep ‘vote’. Hynrei, ki Voter Information Slip, kim lah satia bad yn ym shah ba kin long kum ki kot pynshisha ïa ka kyrteng ne kiwei-kiwei pat ki jingpynshisha jong ki nongthep ‘vote’.
Namar kata, u DEO u la kyntu bad kyrpad ïa baroh ki nongthep ‘vote’ ba kin ïa mih paidbah ha ka 19 tarik u Ïaïong, 2024, khnang ba ka jingthep ‘vote’ sha ka Ïing Dorbar Thawaiñ Lok Sabha, 2024 kan long kaba jop bad ba ki nongthep ‘vote’ kin pyndonkam hok ïa ka hok thep ‘vote’ ka jong ki.
