Shillong, Ïaïong 16
Ka lympung Maitshaphrang Khasi League Basketball 2024 ba la pynïaid da ka Khasi Students’ Union (KSU) ka la jam sha la nangjam shaphrang ha kaba saw tylli ki kynhun ki la jam sha ka semi final.
Kine ki kynthup ïa ka SYM, FKJGP, Dubakh ‘A’ bad ka ONYX Basketball Club hadien ba ki la khur ïa ka jingjop ha ka sngi Ba-ar ha madan basketball jong ka Mawlai Nongpdeng
Ha ka jingïakhun quarter final jong ki shynrang, ka SYM ka la pynliem noh ïa ka Seng Samla Mawlai Nongpdeng da 55-34 point bad ïa ka nam Man of the Match la khur da u Gideon Kharjana.
Ka FKJGP ka la pynliem noh ïa ka Ïaineh ‘A’ da 51-37 point bad ïa ka nam Man of the Match la khur da u Raymond. Ka Dubakh ‘A’ ka la jop ïa ka Chi- iiñ BC da 53-35 point bad ïa ka nam Man of the Match la khur da u Hame Kharsyntiew. Ka ONYX ka la pynliem noh ïa ka Aeronation da 50-30 point bad ïa ka nam Man of the Match la khur da u Meban Shadap.
