Shillong, Ïaïong 16
Ka St. Thomas Higher Secondary Football Aca-demy ka la sdang ïa ka prokram ai jinghikai (Coaching camp) na ka bynta ki khynnah ïalehkai phutbol ha ka 15 tarik mynta u bnai.
Ïa kane ka shlem ai jinghikai la plie ha ka 15 tarik u Nohprah jong u snem 2023 da u Bah Met-bah Lyngdoh (MLA & Chairman State Planning Board, Govt. of Megha-laya). Kane ka Academy jong ka skul ka don ïa ki nongkitkam kiba kynthup ïa u President u Bah Glovis Basaiawmoit, Secretary Rev. Fr. Venky Friding Kharsyiemiong (Principal), nalor kiwei pat ki dkhot jong ka.
U Head Coach jong ka Jylla, u Bah Khlaiñ Pyr-khat Syiemlieh u la long kum u Coach Supervisor jong kane ka Academy nalor u Bah David Randolf Khongsit (P.E. Fitness Coach), bad kiwei kiwei pat ki Coach kynthup ia u Bah Shaipharlin L. Marshillong (Khelo India Football Coach St. Thomas) ki la ïa donlang ban ai jinghikai ha kane ka Academy.
La sdang ïa kane ka prokram ai jinghikai da ka prokram kaba lyngkot ha phyllaw jong ka skul. Ka jingthmu jong kane ka Academy ka long ban ai jinghikai ym tang ïa ki khynnah jong ka skul, hynrei kane ka Academy ka pdiang lut ïa baroh ki khynnah na kylleng khamtam ruh na ka dong bad ka thaiñ khamtam ïa kiba don sap ba kyrpang ha ka jinglehkai phutbol khnang ba kin nangkiew ha ka kam ïalehkai bad ruh ba kin long ki khlur ïalehkai ba kynsai bad ba kin lah ban paw shabar na ka dong bad ka thaiñ wat shaduh sha National Level. Ha kane ka sngi sdang la don haduh 54 ngut ki khynnah kiba kynthup ia 10 ki khynnah Kynthei bad 44 ngut ki khynnah shynrang. Kane ka long kat kum ka jingpyllait da u bah Glovis Basaïawmoit, President ka Thomas Higher Secondary Football Academy.
