Jowai, Ïaïong 17
Ka Cultural Youth Club Mowkaïaw ka la ïoh jingjop ha ka lympung ïalehkai ‘District Cricket League 2024’ ba la pynïaid da ka West Jaiñtia Hills District Cricket Association (WJHDCA).
Kane ka la wan hadien ba ka Cultural Youth Club Mowkaïaw ka la lah ban pynliem noh ïa ka Northeast Adventist University Cricket Club da 45 run ha ka jingïakhun kaba la long ha ka Sngi Balang.
Ha shwa ka jingïalehkai, ïa ka kynting pisa la jop da ka Adventist University Cricket Club bad ka la jied ban kawang bol nyngkong. Kumta ka Cultural Youth Club Mowkaïaw kaba la tied nyngkong ka la kamai 183 run ha ki 32.5 over bad shah pynhap baroh ki nongtied. U Ardakirang Rymbai u la tied 67 run na ki 66 bol, katba na ka liang ka NEAU u Rikku T. Sangma shim 3 wiket na ki 7 over.
Haba beh ïa ka thong ka NEAU ka la kamai tang 138 run ha ki 32.5 over bad shah pynhap baroh ki nongtied. U Sengman M. Marak ula tied 65 run na ki 72 bol, katba na ka liang ka CYC u Regardful Lapasam ula khur 4 wiket na ki 6.5 over. Ïa ka nam ‘Man of the Match’ la ïoh khur da u Regardful Lapasam jong ka Cultural Youth Club Mowkaïaw.
