Jowai, Ïaïong:
Namar ka ilekshon Lok Sabha, 2024 bad ruh ban pynsuk ïa ka leit ka wan jong ki nongtrei ilekshon sha ki polling station naduh ka 17 bad 18 tarik mynta u bnai, u Superintendent of Police ka West Jaiñtia Hills u la pyntip ba la pynbeit ïa ka rukom ïaid jong ki kali.
Ha ka 17 bad 18 tarik Ïaïong naduh ka por 8 baje mynstep shaneng, la buh (No entry) ha lad DC shaduh madan Jrisalein. La buh No entry ha HK Singh shaduh madan Jrisalein. La pynlong ONE-WAY naduh na madan Jrisalein shaduh DC.
Ha ka 19 tarik Ïaïong naduh ka por 3 baje shaneng, ym shah ïa ki kali ban rung na lad Thomas Jones shaduh ka ophis DC, kumjuh na Tpep-Pale shaduh lawmusiang.
Ym shah ruh bn rung kali na Mission Compound Road shaduh lawmusiang/ ophis DC kumjuh ruh na HK Singh lai lad (Tri-Junction) shaduh ka ophis DC.
Ym shah ban rung kali na Dawki Stand shaduh ka ophis DC. Baroh ki kali kiba wan na ka thaiñ Riatsiatsim kin ïaid na Mynthong (Dist. Library Side) bad baroh ki kali kiba wan na ka thaiñ Khimmusniang/Jrisalein kin ïaid na Chutwakhu road.
Baroh ki kali kiba wan na ka thaiñ New Hill bad Shillong Road kin rung na Kynruh Saphlang bad Thomas Jones. Ha ka 19 tarik pat baroh saw tylli ki jaka pynïeng kali (parking lots) ha lawmusiang kin hap ban thylli naduh ka por 2.30 mynsngi.
