Ranchi, ïaïong:
Ka Enforcement Directorate (ED) ka la ïoh ban kem shuh sa saw ngut ki briew kiba la donkti ha ka jingkamai ïa ka spah bymhok na ka jingjia kaba long pyrshah ïa u Myntri Rangbah barim jong ka Jharkhand u Hemant Soren bad kiwei pat, la ïathuh ki heh ka kynhun tohkit hynnin ka sngi.
Kine kiba la shah pynngat hapoh ki kyndon jong ka Prevention of Money Laundering Act (PMLA) ki dei kiba la tip kyrteng kum u Antu Tirkey, Priya Ranjan Sahay, Bipin Singh bad u Irshad, ki la ong. Ka kynhun ED ha ka sngi Ba-ar ki la pynlong ïa ka jingleit khynra ha kiba bun ki jaka sah bad jaka treikam jong u Tirkey bad jong ki katto katne ngut ha kane ka nongbah.
Da ka jingshahkem jong kine, ka jingdon jong baroh kiba la shah set bad shah tohkit ha kaba ïadei bad kane ka jingjia ki la don 8 ngut. U Soren, uba la 48 snem ka rta u la shah kem ha ka ED ha u Kyllalyngkot ym slem hadien ba u la dep ban iehnohkam kum u Myntri Rangbah.
