Shillong, Ïaïong 17
Ki bor pynïaid ka Shillong Sports Association (SSA) ki la rai ban pynsangeh noh ïa ka jingïakhun jong ka Shillong Premier League 2023 hapdeng ka Mawlai SC bad ka Nangkiew Irat SC ba la thmu ban pynlong ha ka Sngi Balang ha First Ground, Polo.
Kat kum ka kyrwoh ba la pyllait da u Asst. General Secretary ka SSA, u Bah D.L Nongbri, la ong ba kane ka jingpynsangeh ka dei na ka daw ka jingbthah da ki bor pynïaid district jong ka East Khasi Hills namar ha Polo la pynlong ïa ki prokram kiba ïadei bad ka wat kaba nyngkong jong ka ilekshon Lok Sabha.
Kumta ka SSA ka rai ban ym pynlong ïa ki jingïalehkai ha ka Sngi Palei bad Sngi Thohdieng. Ïa ka jingïalehkai yn bteng biang ha ka Lah Sngi U Blei (22 tarik) hapdeng ka Nangkiew Irat pyrshah ïa ka Rangdajied United FC ha ka por 3:15 janmiet.
