Shillong, Ïaïong 17
Ka KSU Mawlai Circle ha ka Sngi Ba-ar ka leit ban noh synñiang sha ar tylli ki longïing, ka ïing jong ka Kong Ri Wanshnong bad Kong Twistina Nongneng kiba shong ba sah ha Mawïong Umjapung (Nongneng A) kiba la duh noh ïa la ka ïing sah na ka daw jong ka jingbam duh jong ka ding ha ka 16.4.2024.
Ha ka jingleit jong ka jylli hapoh ka jingïalam u samla Eddie Malngiang (GS ka KSU Mawlai Circle) ka la lap baroh ki tiar ki tar ba don ha kine ar tylli ki ïing ki la julor lut na ka jingbam duh jong ka ding. Kum ka seng ha i bor barit ka la ïoh ban ïarap synñiang da ki tiar shet, khaw bad ha ryngkat ka song pisa.
Ha kane ka sngi, ka la don ruh ka jingïalang ba lyngkot ha shwa ban aiti ïa ki tiar ha kaba la ïoh ban pynïaid da u samla Twist Marngar, u President ka Mawïong Umjapung Unit bad la ïoh ruh ka jingkren na u Bah Shainingstar Kharnaior, Rangbah Dong jong ka Block Nongneng A, bad ka jingkren na u samla Eddie Malangiang.
La ïa don ryngkat lang ki nongkitam ka KSU Mawlai Circle, Mawïong Umjapung unit, nongïalam shnong Mawïong Umjapung bad na ki trai jong baroh artylli ki longïing.
