Imphal, ïaïong:
Ki runar ki la siat kuli ha ka por ba la don ka jingïalap ilekshon jong u kyrtong ka Indian National Congress jong ka Lok Sabha Inner Manipur konstitwensi ha Kumbi Khuga Wangma kaba don ha Bishnupur distrik jong ka Manipur ha ka por shiteng sngi jong ka Sngi Ba-ar, la ïathuh ki heh pulit.
Ki la don kumba saw ngut ki runar kiba la wan da ka Maruti 800 bad siat da bun kuli sha ka jaka ba don ka jingïalang paidbah katba u nongïalam jong ka seng Congress bad u Myntri Rangbah barim jong ka jylla Manipur u Okram Ibobi Singh u dang ai jingkren kum shi bynta jong ka jingïalap ilekshon jong u.
Kine ki runar ki la ïohlad ban phet na katei ka jaka hadien ba ki la dep ban leh ïa kane ka kam pyntriem lyngba ka jingkieng Kumbi, kaba jngai kumba 300 meters ha ka por 3:35 janmiet jong ka Sngi Ba-ar.
