Sydney, Iaïong:
Katkum ki khubor la ong ba u kpa jong uwei u briew uba dung iap ia ki 6 ngut hapoh ka jaka iew ha Sydney, u la iathuh ba utei u briew u dei uba don jingduna ruh khyndiat ha ka bor pyrkhat namar u la pynmynsaw ruh wat ia i khyllung ba dang 9 bnai.
Hynrei u Andrew Cauchi, uba long u kpa jong utei u briew uba la ithuh kum u Joel Cauchi, u la iathuh ba u dap da ka jingsngewsih kaba khraw ka bym lah ban batai namar katei ka kam thombor kaba u khun jong u, u la leh bad nalor kata ruh ka long kaba eh ba um lah ban tip ia ka daw jong katei ka jingleh jong u.
Hynrei kumba la iohi, utei u briew u la buh shun beit tang ia ki kynthei bad ym lah ban tip ia ka daw jong katei ka jingbuh shun jong u ia ki kynthei watla kim don jingiadei ne ithuh ia u.
