Shillong, Ïaïong 18
Ka Meghalaya Human Rights Commission (MHRC) ka la ai por 15 sngi ïa u Director General of Police (DGP) ka Meghalaya ba un phah ïa ka kaiphod kaba pura halor ka jingshah ‘tait shnong ka longkmie tang naba shah kynnoh ai Taro.
Ka MHRC ka la shimkhia ïa kane ka kam hadien ba mih khubor ha ka 16 tarik mynta u bnai halor ka jingthoh lam khlieh ne heading “Naba shah kynnoh ai Taro, ‘tait shnong ka longkmie ha ka Dorbar Shnong Lumlakhait”.
Ha ka kyrwoh khubor ba la pyllait da u Secretary ka Meghalaya Human Rights Commission, u la pyntip ba ka Commission ka la shim da ka ‘Suo Moto’ halor ka jingmih jong katei ka jingjia ha kawei na ki kot khubor bad ha kaba la phah da ka byrta sha u DGP ba u dei ban phah ïa ka kaiphod kaba pura halor kane ka kam hapoh ki 15 sngi.
