New Delhi, ïaïong:
Ki shipai ka Indian Coast Guard ki la ïoh ban bat ïa ka lieng tong dohkha jong ki nong India kiba la rah ïa ka pisa ka bym don jingkheiñ, kiba la donkti ruh ha ka ban khaïi tuh ïa ka Diesel, ha ka jaka kaba jngai kumba 83 Nautical Miles north-west jong ka Mumbai ha ka step phyrngab jong ka sngi Balang.
Kum shi bynta ban pyntreikam kyrkieh hadien ba la ïoh jingtip shaphang kane na ka Customs Department, ka ICG Regional Headquarters (West) ka la pynlong ïa ka jingpyntreikam. Ha ka jingleit khynra, ka la don ka jingleit wad bniah ha ka por mynmiet sha ki jaka tong dohkha bad sha ki lynti ïaid na sla duriaw. Kane ka jingpyntreikam ka la long ruh sha ki bynta rudnong jong kiba bun ki thaiñ kiba don ha ka bynta rudnong jong ka Maharashtra.
Ha ryngkat ka jingïatreilang ha ka jingleit thwet da ki ar tylli ki ICG Fast Patrol Vessels bad kawei ka Interceptor Boat, la lap ïa ka lieng kaba la shah suba sniew ha kaba ynda la khmih bniah la lap ba ka la don ha ka jaka sangeh lieng ha ka miet jong ka 15 tarik, Ïaïong.
Haba la pynlong ïa ka jingtohkit kaba hashwa, la tip ba kane ka lieng, ha ryngkat san ngut ki briew hapoh jong ka, ki la mih na Mandwa Port ha ka 14 tarik, Ïaïong, na ka bynta ban leit ïakynduh ïa ka Offshore Supply Vessels (OSV) jong ki nong India halor ka jingthmu ban khaïi tuh ïa ka Diesel. Hadien kane la lap ba ba ka lieng la shem ba ka la leh ïa kane ka kam da kaba shna ïa ki thliew na ka bynta ban buh ïa ka umphniang haduh kumba 20,000 litre bad pyntreikam ruh da ki sakhi thok.
