Nongpoh, Ïaïong 18
Ha kawei ka jingjia tyngkhuh kali ha Ri Bhoi District ha ka step jong ka Sngi Palei, uwei u rangbah briew u la khlad noh ha shen hadien ka jingsuba ba u la shah ïuh ha kawei ka kali heh ha ki bynta jong ka surok bah National Highway 6 ha Lad Umsaw.
Katkum ka tyllong khubor kaba la ïohlum, la ïathuh ba katei ka la jia ha ka por kumba 8 baje eiei mynstep ha kaba utei u rangbah la suba ba u la shah ïuh ha ka kali heh ka bym shym lah satia ban tip kat haduh ba ki bynta jong ka shadem bad ki shyieng tyrpeng ki la kdiah lut.
Na ka liang jong ki pulit, ki la ïathuh ba katkum ka Aadhar Card ba la lap na ka met, utei u rangbah uba la khlad noh u dei ba la tip kyrteng kum u Purna Das (37 snem) uba dei na ka shnong Ranggabak, Hailakandi District jong ka jylla Assam.
