Shillong, Ïaïong 19
Ka Mawlangwir SC kan pynhap pyrda noh ïa ka lympung ïalehkai ba heh duh ha Mawlangwir kaba la tip kum ka ‘Mawlangwir Football Tournament 2023-24’ ha ka 22 tarik ka ban long ha madan Rowell Lyngdoh ha Saitsnad, Mawlangwir SWKHD ha kaba ka kynhun ka ban rah ïa ka nam lahduh kan ïohpdiang ïa ka song pisa kaba `10 lak.
Ha kane ka jingïakhun final, ka kynhun ïalehkai jong ka Shillong Premier League ka Shillong Lajong FC kan ïakhun pyrshah ïa ka Golden Lion FC.
Na ka liang ka Mawlangwir SC ka la pyntip ruh ba ka jingïalehkai final kan long kaba itynnad bha ha kaba ka Shillong Lajong kan wan ïalam ïa ki rangïalehaki I-League kumjuh ruh ka Golden Lion kan sa wanrah ïa ki rangïalehkai kiba ïashim bynta ha ka ISL.
Ha katei ka sngi, u President ka Meghalaya Football Association u Bah Hamletson Dohling un long kum u kongsan bad u Bah Mandilos Nongbri kum u Symbud Kongsan.
Kumta sa shisien ka Mawlangwir Sport Club ka khot bad wer ïa ki paidbah ‘riew ïeit phutbol jong ka dong ka thaiñ ba kin wan ban sakhi ïa katei ka jingïalehkai ha katei ka sngi.
