New Delhi, Iaiong:
Katkum ki khubor, la ong ba ka Iran ha ka Sngi Thohdieng ka la pyntip ba ki bor pahara jongka ki la ioh siat pynbthei ia bun tylli ki drone kiba la leit poi shapoh u pud- u sam jongka khlem da ai jingtip eiei sha ki bor pyniaid ka Iran. Na ka liang ka United States ka la suba ba kitei ki drone kiba leit rung be-aiñ sha Iran kin dei beit ki jong ka Israel hi bad kiba thmu ban leit thombor ia ki bynta khappud jong ka Iran.
Ha katei ka sngi, ka Israel ka la ther ‘namding lane ther bom ruh sha ka Kad Liengsuiñ jong ka Iran khlem da pynsngap ia ka jingkyntu jong kiba bun ki tnat ban pyn jai-jai ia ka jingiakynad bad wat ban sangeh noh ruh ia ka thma hapoh Gaza.
