Kochi, ïaïong:
Ka jingnang bun ha kaba ïadei bad ka jingïoh ban kurup ïa ka ksiar na kiba bun ki kad liengsuiñ ha Keral ki la buh ha ka jinglyngngoh bad ka bym sngewlah ban ngeit, hynrei ka dei ka jingshisha.
Kaba bun ka ksiar ïa kaba la ïoh ban kurup na kiba bun ki kad liengsuiñ ha Kerala ka la kiew da 142.43 kilo ha bakut ki 12 bnai ha ka 31 tarik, Lber, 2024, kane ka long katkum ka jingbuh jingkheiñ jong ki heh ba dei khmih.
Ki rukom khaïi tuh ïa ka ksiar, katkum ka jingïathuh jong ka kynhun Customs Preventive Commissionerate (CCP), la ong ba la buhrieh hapoh ka met jong ki briew, ha kaba la thep sha ki bynta ba la buh khnang hapoh ki jaiñ phong bad ki juti ne ban tylliat ni bad shaiñ ïa ka ksiar khnang ban kham suk ha ka ban buhrieh.
Ïa ka ksiar la buhrieh ruh ha ki tiar ilektrik kum ha ki baje, Grinder, Trimmer bad kiwei pat.
Ka kynhun Customs Preventive Commissionerate (CCP) ka la ong ba la don baroh kumba 487.57 kilo ka ksiar ba la ïoh ban kurup ha u snem ka kheiñ ka diah jong u 2023-24 ha Kerala, kaba la hiar da 630 kilo ha ki snem ba la leit.
Wat lada ka la don ka jingkiew dor jong ka ksiar ha ka snem jong ka kheiñ ka diah jong u 2023-24, ka dor jong ka ksiar ka la long T. 287.76 klur haba ïanujor bad ka T. 311 klur ha u snem 2022-23.
Ka Commissioner jong ka CCP ka K Padmavathy ka la ong ba ki nongkhaïi ruh ki la pyndonkam da kiba bun ki rukom kumno ban buhrieh ïa ka ksiar.
“Ka jingbuhrieh hapoh ka met, ka pynkulmar ban khmih bniah ïa ki bynta jong ki jaiñ phong ha kaba la buhrieh ïa ka ksiar. Ïa ka ksiar la buhrieh ruh ha ki tiar ilektrik, kum ki baje, ki Grinder, Trimmer bad kiwei pat,” ka la ong ha ka jingpyllait khubor.
Ka jingleh ban khmih bniah ïa ki liengsuiñ ka long shi bynta kaba ïarap ha ka ban lah ban kurup ïa ka ksiar ba la khaïi beaiñ, ha kaba la ju ïoh ban kurup na ki pla jong ki Seat, ki paiñ khana bad napoh duh jong ki Seat, la ong ka Customs Commissioner.
Nalor ka ksiar, ka kynhun Custom ka la ïoh ruh ban kurup ïa ka pisa bar ri kaba la kot sha ka ` 2.56 klur ha u snem ka kheiñ ka diah jong u 2023-24 ha ka jylla.
Ka jingïoh ban kurup pisa bun na ka long na baroh ar, kata na ki nongwan bad ki nongleit jingleit jong ki jaka sangeh liengsuiñ. Ki pisa ba ju ïoh ban kurup na ki jaka sangeh liengsuiñ ki kynthup ïa ki US dollars, Saudi Riyals, Bahrain Dinars, Kuwait Dinars, Omani Riyals bad UAE Dirhams. Ki kynhun CCP ki la ïoh ruh ban kurup ïa ki Cigarettes bad e-cigarettes kiba la kot sha ka T. 3.63 klur. Shuh shuh la ïathuh ba ki heh jong ka tnat Customs ki la ïoh ruh ban kurup ïa kumba 56 tylli ki iPhones ba la khaïi bad ka dor jong ki baroh ka la kot sha ka ` 1.26 klur ha u snem jong ka kheiñ ka diah ba la leit.
