New Delhi, ïaïong:
U heh nongïalam jong ka Aam Aadmi Party (AAP) u Saurabh Bhardwaj ha ka sngi Saitjaiñ u la pynshisha da kaba ong ba ki bor ka aiñ ki la ïaleh ban pynïap suki-suki ïa u Arvind Kejriwal ha Tihar Jail.
Kane ka jingkren jong u ka la long hadien ba ka ïingbishar ha Delhi ka la buh shwa sharud ban khmih bniah halor ka jingkyrpad jong ka AAP kaba la dawa ban phah ai Insulin bad ban pyni doktor ïa u Kejriwal hapoh patok.
U nongïalam jong ka seng AAP u la ïai ban da kaba kynnoh pyrshah ba ki bor ba dei khmih jong ka patok ki la kyntait ban phah ai Insulin ïa u Arvind Kejriwal, uba la shah ktah na ka jingshitom Type-2 diabetes.
“Nga kwah ban ong hangne ba ka jingïasuhbuit sniew ka dang bteng na ka bynta ban pynïap hi suki-suki ïa u Kejriwal,” la ong u Bharadwaj. U nongïalam jong ka seng u la kynthoh jur ïa ki bor pynïaid jong ka Tihar Jail, ka BJP, ka sorkar kmie bad u LG ka Delhi halor ka jingkynnoh ba ki la kyntait ban phah ai ïa ka Insulin sha u Arvind Kejriwal.
