Imphal, Ïaïong 21 (UNI)
Ka Election Commission jong ka Ri India (ECI) ka la bthah ban don biang ka jingthep ‘vote’ ha ki 11 tylli ki Polling Station kiba hap hapoh ka Inner Manipur Parliamentary Constituency ha ka Lah Sngi U Blei.
Na ka liang ka seng congress ka la ai da ka jingujor ha kaba ka la dawa ban pynlong biang ïa ka jingthep ‘vote’ ha ki 47 tylli ki Polling Station – 36 ha Inner Manipur Constituency bad 11 ha Outer Manipur Constituency – da kaba kynnoh ba ki ‘riew kieng atiar ki la leit thep ‘vote’ ïa uwei na ki kyrtong da kaba leh bor ïa ki nongpynïaid ilekshon.
Ki jaka ban long biang ka jingthep ‘vote’ lashai ka sngi ki kynthup ïa ka Moirangkampu Sajeb Upper Primary School, S Ibobi Primary School (East Wing), Khurai Thangjam Leikai ha Khurai Assembly Constituency; Bamon Kampu Upper Primary School (North A), Pioneer Academy, Bamon Kampu (North-B), Irilbung High School (North Wing), Bamon Kampu (South West), Irilbung High School (South Wing), Bamon Kampu (South East) ha Kshetrigao Assembly Constituency; National Children’s School, Khongman Zone (V)-A ha Thongju Assembly Constituency; Iroisemba Upper Primary School (Eastern Wing), Iroisemba UPS (Western Wing), & Iroisemba UPS (Middle Wing) ha Uripok Assembly Constituency; bad Khaidem Primary School (Southern Wing), Khaidem Makha ha Konthoujam Assembly Constituency.
Ka bynta banyngkong jong ka jingthep ‘vote’ ha ki artylli ki konstitwensi Lok Sabha ha Manipur ka la long ha ki 47 tylli ki konstitwensi Assembly ha ka 19 tarik Ïaïong. Ka jingmih jong ki nongthep ‘vote’ ka la long 76.05% ha ka Inner Manipur Constituency bad 65.22% ha ka Outer Manipur Constituency.
