Jowai, Ïaïong 21
Ka lympung ïalehkai Cricket ba la tip kum ka ‘District Cricket League 2024’ ba la pynïaid da ka West Jaiñtia Hills District Cricket Association (WJHDCA) ka la ïaid shaid-shaid shakhmat ha madan Khliehtyrshi Mini Stadium.
Haba phai sha ka jing-ïalehkai kaba la long ha ka sngi Saitjaiñ, ka Moodym -mai Cricket Club ka la lah ban pynliem noh ïa ka Khliehtyrshi Cricket Club da 79 run.
Ha kane ka jingïaleh-kai ka Moodymmai Cricket Club ka la jop kynting pisa bad kam trai ban tied nyngkongha kaba ka la ïoh haduh 225 run na ki 34.4 tylli ki over bad ban hap lut baroh ki wiket.
U Bamanbha Shang-pliang marwei u la lah ban tied haduh 78 run na ki 52 tylli ki bol katba na ka liang ka Khliehtyrshi pat u HD u la ïoh ban khur 4 wiket na ki 5.4 tylli ki over kiba u la kawang bad u Demikhon u la khur 3 wiket na ki 7 tylli ki over.
Haba beh ïa katei ka thong, ki nongtied ka Khliehtyrshi CC ki la lah ban kamai tang 146 run na ki 21.2 tylli ki over bad ban hap lut baroh ki wiket.
U Mewada Shylla u la lah ban tied 38 run na ki 33 tylli ki bol bad u Rio Hame Rymbai u la tied 33 run na ki 20 tylli ki bol katba na ka liang ka Moodymmai Cricket Club u Bamanbha Shang-pliang u la ïoh ban khur haduh 5 wiket na ki 6 tylli ki over kiba u la kawang.
Ïa ka nam ‘Man of the Match’ ha kane ka jingïalehkai la ïoh ban khur da u Bamanbha Shangpliang, u rangïaleh-kai jong ka Moodymmai Cricket Club uba marwei u la lah ban pynurlong da ka jinglah ban tied 78 run bad khur 5 wiket.
