Shillong, ïaïong:
Ka Toyota Kirloskar Motor (TKM) ka la pynbna ba la pynmih ïa ka kali ha ka kyrdan kaba thymmai ha ka liang jong ka kali Innova HyCross kata ka GX (O) kaba long ka kali ba ïaid da ka petrol.
Ka jingwanrah shuh shuh ïa kane ka kali bathymmai ha ka liang jong ka kali Innova HyCross, ka la wanrah shuh shuh sa kumba 10 jait ki rukom pynaram bad ki kor ki bor teknoloji kiba la nang kham kyntiew ïa ka jingangnud jong ki nongthied kiba nang kwah ïa shibun kiwei kiwei ki jingmyntoi. Ka jinglah ban book ïa kane ka kali Innova HyCross ha ka GX (O) Grade ka la plie bad ïa ka jingpynpoi ïa ka kali ka long naduh ka 15 tarik, 2024.
Ka Innova HyCross petrol GX (O) kaba ïaid da ka petrol ka la nang pynbha ïa ka bynta ba shabar da ka jingbuh ïa ki LED Fog Lamp, ka don ïa ki Sensor ha ka por ba pynïeng ïa ka kali ne ka Parking Sensor, bad ka don ruh ïa ki Light Defrogger na shadien. Ka long ka kali kaba aram bha ha kaba ka bynta ba shapoh ruh ka long kaba itynnad ha ka rong Chestnut, ki jingpyndait ba hapoh ki long kiba jem kiba jem, bad ki jaka shong ne ki seat la sop da ki jaiñ kiba bha.
Ka don ruh ïa ka AC kaba treikam hi, ka don ruh ïa ka 10.1″ Infotainment System, Wireless Apple Carplay, bad ka don ïa ka monitor kaba lah ban ïohi sha kylleng ne Panoramic view. Kane ka kali ka wan ha ki hynñiew tylli ki rong, kane ka kali ka wan ruh bad kumba 10 tylli tam ki teknoloji bad ki jingpynaram.
Ka dor jong kane ka kali ka sdang naduh ka 20,99,000 tyngka. Haba kren shaphang kane ka kali ba thymmai, u Sabari Manohar – Vice President, Sales-Service-Used Car Business, Toyota Kirloskar Motor U ong, “Ka jingshakri jong ngi kaba radbah ka long ba ngi phai khmat shwa sha ki nongthied bad kane kan nang ïai bteng ban pynkhih ïa ka mynsiem jong ngi, ka ban nang ai mynsiem ban pynmih ïa kine ki kali kiba la shna da ki buit thymmai bad ki jingshakri ha ka lawei ban wan.”
