Shillong, Ïaïong:
Ka National Stock Exchange of India (NSE), kaba long ka shnat treikam ba khmih ïa ka khaïi pateng ha ka liang ka jingkheng ïa ka pisa-pilaiñ ha ki kam bapher bapher ha ka pyrthei, kan pynmih ïa kyndon treikam ba thymmai ha kaba ïadei bad ka Nifty Next 50 index (NIFTYNXT50) kaban sdang naduh ka 24 tarik, Ïaïong, 2024.
Ïa kane ka sienjam la shim hadien ka jingïoh ïa ka jingmynjur na ka Securities and Exchange Board of India (SEBI), kaba long kawei na ki sienjam ba khraw ha ka liang ban pynïar ïa ki jingtyrwa ha ka NSE.
Kine ki kyndon kiba ïadei bad ka NIFTYNXT50 kin kynthup ïa ki lai tylli ki bynta ba kata ka long ka jingpyni ïa ki Index ba man la u bnai bad ïa ka jinglah ban jied ïa ka Index na ka Contract cycle, ka jinglah ban kheiñ ban diah ïa ka pisa bad pynbiang ïa ka, da ka jingbuh ruh ïa ka tarik ba khatduh ha ka sngi Thohdieng ha u bnai bakut ka jingthep pisa.
Ka Nifty Next 50 Index ka long na ka bynta ki 50 tylli ki kompani napdeng ka Nifty 100, laitnoh kiwei ki Nifty 50. Kat haduh u bnai Lber 2024, ka Index ka sarong ïa ki katto katne ki bynta kiba ïadei bad ki jingshakri bei tyngka, ki bynta kiba ïadei bad ka kam bei tyngka ne Capital Goods, bad ka jingshakri sha ki nongpyndonkam.
La wanrah ïa kane ha ka 1 tarik , Kyllalyngkot, 1997 bad ïa kane ka rukom treikam la nang kham pynbha shuh shuh katba nang mih ki snem, da ka jingpynthymmai ïa ka kheiñ ka diah bad ka jingwanrah ruh ïa ka rukom buh dor ïa ka dor kaba heh ne Weight Capping.
Ka dor jong ka Index Constituent mynta ha ka ïew ka long 70 trillion, kat haduh ka 29 tarik u Lber 2024 ka jingdon jong ka pisa ha ka ïew ka long 18% napdeng ki Stock kiba la don kyrteng ha ka NSE.
U Sriram Krishnan, Chief Business Development Officer ka NSE, u la ban jur halor ka jingdonkam ban wanrah ïa ka NIFTYNXT50, da kaba ong ba kan ïarap ban pynbha shuh shuh ïa ka jingtreikam jong ki Index kiba la don lypa. Ka jingthmu jong ka Nifty Next 50 ka long ban wanrah ka jingïajan hapdeng ka Nifty 50 Index bad ka Nifty Midcap Select Index.
Ha kine ki snem, ka NSE ka la lah ban pynïar ïa ki jingtyrwa ha ki rukom buh pisa, kynthup ruh ïa ka Nifty Midcap Select Index (MIDCPNIFTY) bad Nifty Financial Services Index (FINNIFTY), bad la lah ban sakhi ïa ka jingkiew ha ka rukom khaïi-pateng.
Kane ka sienjam treikam ba dang wanrah thymmai ka pyni ïa ka jingtrei ba radbah jong ka NSE ban wanrah ïa ki kabu bapher bapher ha ka jingkheng pisa na ka bynta kito kiba ïashim bynta ha ka ïew khaïi pateng.
