Shillong, Ïaïong 22
Ka Shillong Cricket Association (SCA) ka la bteng biang ïa ka lympung ïalehkai Super Division Cricket League 2024 ha ka Lah Sngi U Blei ha madan Polo ha kaba ka United Xl ka la ïoh jingjop.
Kane nam jop ka la wan hadien ba ka la lah ban pynliem noh ïa ka Sputnik CC da 104 run. Ka United Xl ka la kam trai ban tied nyngkong, ha kaba ka la kamai 278 run bad shah pynhap 7 wiket ha ki 45 over. U Yogesh Tiwari u la khyrwit ïa ka 100 run na ki 90 bol bad u Ganeshstar u la ïoh 49 run na ki 76 bol. Katba u Mark Ingty u la khur 4 wiket bad ïa ki 2 wiket la khur da u Tarique Siddque.
Haba wan beh ïa ka thong, ka Sputnik ka la kamai tang 174 run bad shah pynhap 10 wiket ha ki 35.3 over. U Amiangshu Sen u la tied 43 run na ki 62 bol bad u Kshijit Singhania u la tied 24 run na ki 22 bol. Katba u Indranil u la khur 3 wiket bad ïa ki 2 wiket la khur da u Bijon Dey. Ïa ka nam Player of the Match la khur da u Yogesh Tiwari.
