Jowai, Ïaïong 22
Ka Ummulong Cricket Club ka la pynliem noh ïa ka West Jaiñtia Police Cricket Club da 152 run ha ka lympung ïalehkai ‘District Cricket League 2024’ ba la pynïaid da ka West Jaiñtia Hills Dis-trict Cricket Association ha ka lah sngi U Blei ha madan Khliehtyrshi Mini Stadium.
Ha kane ka jingïa-khun, ka Ummulong Cricket Club kaba la jop ïa ka kynting pisa, ka la shimti ban tied nyngkong ha kaba ka la kamai 265 run ha ki 35 over bad shah pynhap 8 wiket. U Hei-monlang Lyngdoh u la ïoh ïa ka shiteng spah run (82 na ki 43 bol) kumjuh u Chongtre Iman Lamare u la ïoh 51 run na ki 36 bol bad u Heisniawlangki Lamare u la ïoh 47 run na ki 50 bol. Katba na ka liang ka WJPCC u Ram Ksoo u la lah ban pynhap 4 wiket na ki 7 over bad Khaljeng Marak u la khur 3 wiket na ki 7 over.
Haba wan beh ïa ka thong, ka WJPCC ka la lah ban tied 113 run na ki 27.4 over bad shah pynhap wiket baroh ki nong-tied. U Ishan Siangshai ula lah ban tied 37 run na ki 67 bol. Katba na ka liang ka Ummulong u Wellmanson Passah u la khur 4 wiket na ki 5 over bad u Heimonlang Lyng-doh u la khur 3 wiket na ki 4 over. Ïa ka nam ‘Man of the Match’ la khur da u Heimonlang jong ka Ummulong Cricket Club.
