Moscow, ïaïong:
Ka Russia ha ka Sngi U Blei ka la pyntip ba ka la ioh ban kurup biang ha kane ka sien sa ia ka Bohdanivka kaba long kawei na ki shnong kiba ka Russia ka la leit ban pynjur ia ka jingiakhun ha kine ki taiew ba la leit.
Hynrei na ka liang ka Ukraine bad ka Russia ruh kam shym la kren shai ne ai jingtip bniah pat haba iadei bad kane ka khubor ha katei ka sngi. Ka tnat iada jong ka Ukraine ha ka taiew ba la lah, ka la kyntait ia katei ka jingkam trai jong ka Russia ba ka thaiñ Bohdanivka ka la hap hapoh ka kti jong ki shipai jong ka, katba ka Russia ha kitei ki taiew ka la pyntip ruh ba ki shipai jong ka ki la shah knieh ia ka bor synshar na ki shnong ka thaiñ Mihngi jong ka nongbah Donetsk jong ka Ukraine.
Namar la ong ruh ba ka Russia ha kane ka sien ka la sdang ban phah leit thombor biang ia ka Ukraine khamtam sha kitei ki shnong bad ki bynta kiba ki shipai ka Ukraine ki la sdang tlot bad duh bor, bad kumta ruh dei ha katei ka sngi ba ka Russia ka la pynshai ba ki shipai jong ka ki la ioh ban kurup noh syndon ia katei ka shnong na ka kti ki shipai ka Ukraine.
