Nongstoiñ, Ïaïong 22
Ki ar tylli kynhun ïalehkai na ka Jylla ba kynthup ïa ka Ri Bhoi United FC bad ka Blue Bomber’s kin ïaknieh ïa ka nam lahduh ha ka lympung ïalehkai ba la tip kum ka Invitation Knock -out Football Tournament 2023-24 ha madan New Nongstoiñ.
Ka khubor na ka New Nongstoiñ Sports Social & Cultural Club ka la pyntip ba kane ka jingïalehkai final hapdeng kitei ar tylli ki kynhun ki ban ïaknieh ïa ka nam lahduh kan long ha ka 4 tarik u Jymmang ha ka por 2 baje janmiet.
Na ka liang ka NNSS -CC sa shisien ka khot bad wer ïa baroh ki paidbah ‘riew ieit phutbol jong ka thaiñ bad na kylleng ki jaka ban wan sakhi ïa kane ka jingïalehkai hapdeng kine ar tylli ki kynhun, bad ka NNSSCC ka pynpaw ïa ka jingkyrmen ba khlem pep kane ka jingïalehkai final hapdeng kine ki ar tylli ki kynhun kan long kaba itynnad.
