Shillong, Ïaïong 23
Ka Raj Bhawan ka la pynliem noh ïa ka Meghalaya Police (MLP) da 80 run na ka bynta ban long ka nongjop ha ka lympung ïalehkai Super Division Cricket League 2024 ha ka Sngi Ba-ar ha madan Polo.
Ha kane ka jingïakhun, ka MLP kaba la jop ïa ka kynting pisa, ka la ailad shwa ïa ka Raj Bhawan ba kan tied nyngkong ha kaba ka la kamai 171 run bad shah pynhap 10 wiket ha ki 41.4 over. U Rahul Shah u la tied 31 run na ki 46 bol bad u Robin Chettri u la ïoh 31 run na ki 30 bol. Katba u Bishal Chettri bad u Kumar Sewa ki la shim mar 2 wiket na ka bynta ka MLP.
Haba wan beh ïa ka thong, ka MLP ka la kamai tang 91 run bad shah pynhap 10 wwiket ha ki 21.1 over. U Morningstar Khongwir u la tied 26 run na ki 24 bol bad u Johnward u la ïoh 10 run na ki 39 bol. Katba u Robin Chettri u la shim 4 wiket na ka bynta ka Raj Bhavan. Ïa ka nam Player of the Match la khur da u Robin Chettri.
