Beirut, Iaiong:
Ka kynhun lehnoh Hezbollah na Lebanon kaba don jingiadei bad ka kynhun lehnoh Hamas jong ka Palestine, ha ka Sngi Nyngkong ka la pynbna ba ka la dep ther ia u ‘namding ‘Katyusha’ jongka sha ki jaka treikam ka tnat shipai Israel ha ki thaiñ North jong ka Israel kum shi bynta ban pynhiar kput ia ka jingleit thombor jong ka Israel ruh sha ki shnong khappud jong ka thaiñ South jong ka Lebanon ha kine ki khyndiat por ba la leit.
La ong ruh ba naduh ba sdang ka thma hapdeng ka Israel bad ki lehnoh Hamas hapoh Gaza, ka jingiakynad jong ka Israel bad kitei ki para marjan ri ha ki bynta khappud ka la jur bad ka ju jia ruh khah-khah khamtam bad katei ka kynhun lehnoh jong ka ri Lebanon bad ha kajuh ruh ka por bad ka Iran.
