Agartala, ïaïong:
Ka Election Commission (EC) haduh mynta ka la weng kam shipor ïa ki 18 ngut ki nongtrei sorkar ha Tripura namar ka jingleit ïashim bynta jong ki ha ki prokram ilekshon bad ha ki jingïalap ilekshon kaba long ka jingpynkheiñ ïa ka Model Code of Conduct (MCC), la ïathuh ki heh ba dei khmih.
Ki heh jong ka EC ki la ong ba ki nongtrei jong ka tnat ka pule-puthi, kiba la shah thungkam ha ka Library kaba don ha ka bynta kaba shaphang Shathie jong ka Tripura, bad u Videographer jong ka Information Department ki la shah wengkam shipor ha ki heh ba dei khmih hadien ka jingai hukum jong ka Election Commission.
Hashwa kane, ka kynhun badei khmih ïa ki kam ba ïadei bad ka ilekshon ka la wengkam shipor ïa ki 16 ngut ki nongtrei sorkar, kynthup ïa ki nonghikai, u pulit ka kynhun State Rifles Personnel ka Tripura, napdeng kiba bun kiwei pat. Ïa ka bynta kaba nyngkong jong ka jingthep vote ha Tripura West Lok Sabha konstitwensi la pynlong ha ka sngi Thohdieng bad ka jingthep vote na ka bynta ka Tripura East (ST) Parliamentary konstitwensi jong ka bynta ka ba-ar kan sa long ha ka 26 tarik, Ïaïong.
