Shillong, Ïaïong 23
Ka Simona Halep ka la weng noh ïalade na ka lympung ïalehkai Madrid Open ka ban long ha ka taïew ka ban wan ha kaba kane ka nongïalehkai na Romania ka la aidaw ba kam pat long ba la pynkhreh bad ka dang donkam ïa ka por ba kan long ba la khreh namar kam shym la ïalehkai mynta la kumba 18 bnai.
Kane ka lahduh jong ka Wimbledon bad French Open ka la shah sospon saw snem, hynrei la pynduna khyndai bnai, ka la wanphai sha ka kam ïalehkai kum ka ‘wildcard’ ha ka Miami Open, ha kaba ka la shah rem noh ha ka wat kaba nyngkong ha Paula Badosa.
Kane ka khlur ïalehkai kaba kaba la 32 snem ka rta bad kaba la bat teng ïa ka kyrdan ba nyngkong ka la shah sospon ha u Risaw jong u snem 2022 hadien ba la tes positive na ka daw ka la pyndonkam ïa ki jingdih kiba la mana pyrshah ha ka U.S. Open jong utei u snem.
