Nongstoiñ, Ïaïong 24
Ha ka 2 tarik u Nohprah 2021 ki pulit ka thanat Nongstoiñ ki la ïoh pdiang ïa ka jingujor halor ka jingshah thombor ka longrynïeng jong kawei ka khynnah kaba dang rit ha uwei u briew uba la tip kyrteng kum u Tarsis Wanniang, 31 snem kaba la jia ruh ha ka 31 tarik u Naiwieng 2021
Na ka liang jong ki pulit ruh mar ïa ïoh pdiang ïa ka jingujor ki la pynrung mukotduma hapoh ka thanat Nongstoiñ katkum ka case number 88(12)2021 U/S ¾ POCSO Act bad ïa ka mukotduma la shim jingtohkit da ka WPSI N Wanniang na Nongstoiñ Women Police Station.
Ki Pulit ki la ïoh ruh ban kem noh ïa utei u briew mar-mar ha kaba ïa katei ka mukotduma la chargesheet da ka ophisar kaba tohkit ïa katei ka kam hapoh ki kyndon 7/8 jong ka POCSO Act.
Kumta ha ka 16 tarik u Ïaïong, 2024, ka ïingbishar u Special Judge POCSO Nongstoiñ haba peit bniah ïa baroh ki sakhi-satar bad hadien ba ka la lap ba utei u briew u la leh ïa katei ka kam, ka la rai pynrem noh ïa u ha ryngkat ka jingpynsaja kaba tyngeh ba un shah set patok haduh 3 snem ryngkat ka kuna kaba u hap ban siew haduh T.10,000 bad lada utei u briew um shym la siew ïa ka kuna un hap bteng sa 1 bnai ban shong patok.
