Imphal, ïaïong:
Ka jingjia jong ka jingbthei kynsan-kynsan u bom bakhlaiñ bor ha ka surok National Highway 2 ka la pynkyndit bad pyntieng pynsyier ïa kiba bun. Kane ka jingjia ka la jia hajan Saparmeina kaba don ha Kangpokpi distrik, kumba la ïathuh ka tyllong khubor la ong ba kane ka jingjia ka la jia ha ka por 12:25 jong ka step sngi Balang.
Kumba la ïohlum jingtip hashwa la ong ba ym shym la don mano mano ruh ki ban ïap ne mynsaw na kane ka jingbthei bom, hynrei ka surok bah ka la julor bun bha. Kane ka jingjulor jong kane ka surok ka la buh jingeh shibun ïa ki nongleit jingleit kiba dei ban ïaid lyngba kane ka surok.
Ha kaba ïadei bad kane ka jingjia, ka la don ka jingpyrkhing ha kaba ïadei bad ka jingïaid jong ki kali ha kane ka surok. Ki kynhun seng riewlum ki la pynnrem jur halor kane ka kam thombor bad ki la pynlong ïa ka jingïalang kaba kyrkieh ban ïakren bad ïamir jingmut halor kane ka jingjia.
