Jowai, Ïaïong 24
Ka Efty United XI Mynso ka la ïoh jingjop hadien ba ka la pynliem noh ïa ka Moodymmai Cricket Club da 6 wiket ha ka lympung ïalehkai ‘District Cricket League 2024’ ba la pynïaid da ka West Jaiñtia Hills District Cricket Association.
Ha kane ka jingïakhun kaba la long ha ka Sngi Balang ha madan Khliehtyrshi Mini Stadium, ka Moodymmai ka la kam trai ban tied nyngkong ha kaba ka la kamai 92 run ha ka 23.3 over bad shah pynhap baroh ki nongtied. U Ritchel Passah u la tied 25 run na ki 49 bol. Katba na ka liang ka Efty, u Levester Phawa u la shim 3 wiket na ka bynta ka Efty.
Haba wan shimti ïa ka pali kaba ar, ka Efty ka la lah ban kynjoh sha ka thong da kaba kamai 96 run ha ka 19.4 over bad shah pynhap 4 wiket. U Riboklang Hynñiewta u la tied 53 run na ki 52 bol bad u Puraki Shadap u la ïoh 19 run na ki 49 bol. Katba na ka liang ka Moodymmai, u Bamanbha Shangpliang bad u Mickey Marngar ki la shim mar 2 wiket na ka bynta ka Moodymmai. Ïa ka nam ‘Man of the Match’ la khur da u Riboklang Hynñiewta jong ka Efty United XI Mynso.
