Shillong, Ïaïong 25
Ka NFU C.C ka la pynliem noh ïa ka Sputnik CC da 128 run na ka bynta ban khur ïa ka jingjop ha ka lympung ïalehkai Super Division Cricket League ha ka Sngi Palei ha madan Polo.
Ha kane ka jingïakhun ka NFU ka la kam trai ba kan tied nyngkong ha kaba ka la kamai 300 run bad shah pynhap 8 wiket ha ki 45 over. Kane ka la wan lyngba ka jinglah ban ïalehkai bha u Kevin Christopher, uba la ïoh ban khyrwit ïa ka shiteng spah da 86 run na ki 88 bol bad u Laxman Gurung u la ïoh 49 run na ki 54 bol. Katba u Amiangshu u la khur 4 wiket bad ïa ki 2 wiket la khur da u Tarique Siddque na ka bynta ka Sputnik.
Haba wan beh ïa ka thong, ka Sputnik ka la kamai tang 172 run bad shah pynhap 10 wiket ha ki 37.5 over. U Amiangshu u la khurwit ïa ka shiteng spah kaba 67 run na ki 68 bol bad u Tarique u la ïoh 27 run na ki 23 bol. Katba u Zahir Alam bad u Abishek Biswa ki la khur mar 2 wiket na ka bynta ka NFU. Ïa ka nam Player of the Match la khur da u Kevin Christopher.
