Shillong, Ïaïong 26
Ka United XI ka la pynliem noh ïa ka Raj Bhawan da 100 run na ka bynta ban khur ïa ka jingjop ha ka lympyng ïalehkai Super Division Cricket League 2024 ha ka sngi Thohdieng ha madan Polo.
Ha kane ka jingïakhun ka United XI ka la shimti ban tied nyngkong ha kaba ka la kamai 182 run bad shah pynhap 10 wiket ha ki 42.5 over. U Bijon Dey u la tied 34 run na ki 22 bol bad u Josiah Wanñiang u la ïoh 31 run na ki 88 bol. Katba u Rahul Shah bad u Babloo Passah ki la khur mar 3 wiket na ka bynta ka Raj Bhavan.
Hynrei haba wan beh ïa ka thong, ka Raj Bhawan u la kamai tang 82 run bad shah pynhap 10 wiket ha ki 23.5 over. U Anmol Sunar u la tied 20 run na ki 45 bol bad u Pankaj Mandal u la ïoh 20 run na ki 32 bol. Katba u Indranil u la khur 4 wiket bad ïa ka shi wiket la khur da u Bijon Dey na ka bynta ka United XI. Ïa ka nam Player of the Match la khur da u Indranil.
